Чаллыга эксклюзив коллекция карарга киләчәкләр

Анда Россиянең төрле төбәкләреннән, Ингушетия, Дагыстан, Чечен республикасы, Кабардино-Балкариядән,  әдәпле мода юнәлешендә иҗат итүче дизайнерлар катнашты. 

Татарстан данын Казаннан Элара Шәйхи һәм Чаллыдан Лилия Абдуллина яклады. Шәһәрдәшебез тамашачыларга табигый тукымалардан тегелгән эксклюзив коллекциясен тәкьдим итте.

- Показдан соң миңа сүз бирделәр. Үземнең яшь, төзек, елга буенда урташкан, матур Чаллы каласыннан икәнлегемне әйттем, барысын да кунакка чакырдым. Күлмәкләремне якынрак килеп караганда: “Кызыктырдыгыз, хәзер шәһәрегезне дә барып күрәсебез килә” диделәр. Әлеге чарадан илһам алып, бик күп кешеләр белән танышып, киләчәккә зур планнар корып кайттым, –  дип уртаклашты Лилия ханым.