Чаллы егете иң озак марафонда җиңде

Чаллы егете иң озак марафонда җиңде
Вологоград өлкәсендә «Ультра 100» марафоны тәмамланды. Анда Россиянең төрле төбәкләреннән йөгерергә яраткан 67 кеше катнашты. Ярышлар иртәнге 6да башанып, тәүлек буе дәвам итте. Супермарафончылар комлы, сулы 220 км араны үттеләр.
Финишка беренче булып Чаллы егете Алмаз Насретдинов килде. Алмаз шәһәребезнең Мулланур Вахитов исемендәге икенче гимназиясен тәмамлады. Армия сафларында булып кайтты. Ул бүгенге көндә Казанда яши. Афәрин, Алмаз!