Чаллы егете инспекторларга ришвәт бирүдә гаепләнә

Чаллы инспекторлары “Renault” автомобилен туктата. Тикшерү барышында 26 яшьлек машина йөртүченең алкоголь куллануы ачыклана. Егет эшне зурга җибәрмәүне сорый – качырып 5 мең сум ришвәт бирә. Инспекторлар аны полиция бүлегенә озата.

Ришвәт бирү һәм алу закон буенча тыела. Татарстан дәүләт автоинспекциясе җәза төренең дә катгый булуын кисәтә. Ришвәт бирүче 2 елга кадәр ирегеннән мәхрүм ителергә мөмкин. Моннан тыш, штраф та салына.

Ел башыннан Татарстан буенча 34 ришвәт бирү очрагы теркәлде.