Чаллы егете медуза аркасында кулсыз кала язды

Айрат Сөнгатуллин январь аенда Индиягә сәяхәткә бара. Диңгездә су кергәндә аңа медуза кагыла. "Кулны утюг белән пешергән сыман булды", - ди ул. Аны кулы кызарып чыга, соңыннан карала башлый. Ампутация куркынычы яный. Операция таләп ителә. Егеткә тән тиресен күчереп утырталар. Тернәкләнү өчен 8 ай вакыт кирәк була. 

"Пациентның кулы  бик нык авырта. Аны хәтта дарулар да ярдәм итми. Нервларны зарарлап авыртуны баса торган махсус препаратлар яздык", - ди БСМПның баш табибы урынбасары, невролог Роман Джумабаев.