Чаллы егетләре армиягә китте

Бүген иртәнге сәгать 5тә “КАМАЗ” мәдәният йорты каршында алма төшәр урын юк иде. Бер төркем Чаллы егетләрен армиягә озаттылар. Ата-аналары, дуслары, сөйгән ярлары – һәммәсе килде. Биредә беренче построение булды.

Үзәк һәм Автозавод районы хәрби комиссариаты башлыгы Рәшид Ильясов:

"Бүген армия сафларына 40 егетне озатабыз. Алар шефлыкка алынган частьләрдә: Йошкар-Ола, Севастополь, Мәскәүдә хезмәт итәчәк. Мәскәүгә ноябрь ахыры декабрь башында җибәрәчәкбез", - дип сөйләде.

Бер атнадан тагын бер төркем егетләр армиягә китәчәк. Беррәттән хезмәт итүдән качып йөрүчеләр белән дә эш алып барылачак. Алар тикшерү комитеты, прокуратура, полиция хезмәткәрләре игътибары үзәгендә булачак.