Чаллы эшмәкәре ТР Рәисе Рөстәм Миңнехановның Рәхмәт хаты белән бүләкләнде

«СтройТраст» җаваплылыгы чикләнгән җәмгыяте генераль директоры Раил Минегалиев зур хөрмәткә лаек булды. Күпьеллык нәтиҗәле хезмәте һәм республиканың төзелеш тармагын үстерүгә зур өлеш керткәне өчен аңа ТР Рәисе Рөстәм Миңнехановның Рәхмәт хатын тапшырдылар. Истәлекле вакыйга Татарстан республикасы көнендә узды. Рөстәм Миңнехановның котлау сүзләрен Чаллы шәһәре мэры Наил Мәһдиев һәм РФ Дәүләт Думасы депутаты Әлфия Когогина җиткерде.