Чаллы эшмәкәре законсыз рәвештә 11 млн сумга якын акча эшләгән

Чаллы судында Вахитов боҗрасындагы "Наиком" ягулык станциясе территориясендә бизнес оештырган эшмәкәр эше каралды. Ул лицензиясез ягулык салу белән шөгыльләнгән. Нәтиҗәдә, 1 ел эчендә 11 млн сумга якын акча эшләгән. 

Суд экспертиза үткәргән. АГЗСның куркыныч җитештерү объекты булуын һәм III куркынычлык класслы шартлаткыч һәм химик матдәләр белән лицензиясез эшләвен дәлилләгән. 

Судта эшмәкәрне шартлы рәвештә 1 елга ирегеннән мәхрүм иттеләр. Төзәтү эшләре дә 1 елны тәшкил итәчәк. Карар әлегә үз көченә кермәде.