Чаллыда яшьләрне пешерергә өйрәтәчәкләр

“Яшүсмерләр өчен клуб яңа уку елыннан эшли башлаячак. Биредә спорт клубы, остаханә, театр залы, хәтта аш-су пешерү студиясе булачак. Яшүсмерләр һәм яшь әниләр күңелләренә хуш килгән шөгыль сайлый алачак”,  – ди яшьләр идарәсе башлыгы Ләйсән Видинеева. 

Заманча яшүсмерләр клубы 63нче микрорайондагы торак йортның беренче катында урнашачак. Бүлмәләрдә әлегә ремонт бара. Эшләр 60 процентка башкарылган. Ремонт барышы белән шәһәр Советы депутатлары танышты.