Чаллы иң бәхетле кешеләр яшәүче шәһәрләр исемлегенә кертелде

Илнең иң бәхетле шәһәрләре билгеле. Алар арасында Чаллы да бар. Автокала беренче бишлеккә эләккән. 

20 март – Халыкара бәхет көне уңаеннан, россиялеләрдән: “Сез бәхетлеме?” – дип сораганнар. Әлеге тикшерүне илдәге иминият фондларының берсе үткәргән. Баксаң, тормыштан канәгать булып, елмаеп-көлеп кенә яшәүчеләр, барыннан да бигрәк, Хабаровск шәһәрендә күбрәк икән. Шәһәр халкының 92 проценты бәхетле булуын әйткән. Икенче һәм өченче урыннарда – Әстерхан һәм Оренбург (һәркайсының 91 процент). Дүртенчедә -  Чаллы шәһәре. Аз да түгел, күп тә түгел, автокалада яшәүчеләрнең 89 проценты үзен бәхетле дип белдергән. 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).