Чаллы юлларында чокырларны ямый башладылар

“Автомобиль юллары предприятиясе” хезмәткәрләре шәһәр юлларындагы чокырларны ямый башлады. Иске асфальт катламына алар битум катнашмасы агыза. Ул 170-190°С кайнарлыкта, шуңа әлеге катнашманы салкынча көннәрдә дә кулланып була. 
Оешма белгечләре җимерек юлларны барлап тора. Көн саен территорияне йөреп чыгалар, халык мөрәҗәгатьләрен исәпкә алалар. 

Юллар җимерүнең 2 төп сәбәбен билгелиләр:
-    Температураның 0 градус аша еш уйнавы;
-    Транспортның күплеге (авырлыгы, никадәр еш йөрүе)
Белгечләр юлларны кирәк булган барлык юлларда да төзекләндерергә ниятли. 

Чаллы хакимияте фотосы