Чаллы көрәшчеләре беренче!

“Витязь” спорт комплексында “Татарстан яшьләре” газетасы призларына 17-18 яшьлек егетләр арасында Татарстан беренчелегенә көрәш ярышлары тәмамланды. 
Биредә 38 команда, 273 көрәшче катнашты. Гомуми баллар саны буенча,“Чаллы (Комсомол районы)” командасы беренче урынны яулады. Икенче урында “Казан Зилант”, өченче урында “Авиа-Ново-Савиновский” командасы. Моннан тыш, шәхси зачетта та шәһәрдәшләребез сынатмады. 55, 85, 90 килограммлы авырлыктагылар арасында 1нче урыннар бездә. Шулай ук 55, 60 килограммлылар арасында – икенче, 70 килограммлылар арасында өченче урыннарны да Чаллы егетләре яулады. 

Гүзәл Шиһапова