Чаллы көрәшчесе Радик Сәлахов тагын машина җиңде

Мәскәүдә узган Сабан туенда Чаллы көрәшчесе Радик Сәлахов абсолют батыр исемен яулады. Көрәш буенча Дөнья Кубогы ярышларында  17 илдән 150гә якын спортчы катнашты. Финалда Радик Башкортстан көрәшчесе Мансур Юлтимиров белән очрашты. 

Бу сезонда Радик Сәлахов зур уңышлар күрсәтә. Соңгы тапкыр сөйләшкәндә ул 3 автомобиль җиңүе турында сөләгән иде. Якутия Сабан туенда абсолют батыр булды. Анда аңа болан бүләк иттеләр. Шулай ул туган ягы Зәйдә, Болгарда, Менгер авылында узган Дөнья чемпионатында да ул беренчелекне яулады.