Чаллы мэры ике депутатка медаль тапшырды

Чаллы мэры Наил Мәһдиев шәһәр Советының чираттагы сессиясендә ике депутатка дәүләт бүләкләре тапшырды. 
«Шәһәр халкы, җитәкчеләр, депутатлар махсус хәрби операциядәге егетләргә даими ярдәм кулы суза. Бүген шуларның икесе, хәрбиләргә актив ярдәмнәре өчен,  Россия Оборона министрлыгы приказы буенча «Генерал-лейтенант Павлов» медале  белән бүләкләнә», – диде ул.
Медальгә «ТРИО ГРУПП» компаниясе генераль директоры Иван Кузьмин, «АР СИ ЭР» компаниясе генераль директоры  Константин Павлов  лаек булды. 

«Сезнең шәхси өлешегез һәм Ватанны саклаучыларга ярдәм итүегез – гомуми эшкә зур ярдәм һәм гражданлык җаваплылыгының ачык мисалы», – диде Наил Мәһдиев.