Чаллы мэры капиталь ремонтны иртәрәк төгәлләргә кушты

Чаллы мэры Наил Мәһдиев күп фатирлы йортларда капиталь ремонтны 1 октябрьгә кадәр төгәлләргә кушты. Быел шәһәрдә 122 йорт төзекләндереләчәк. Хәзерге вакытта эшләр 102 йортта бара. 26 йортта түбә ябалар, 30нда фасадларны ясыйлар. 

– Бездә май ае нинди икәнен күреп торасыз – көн аралаш яңгырлар. Агросәнәгать комплексы, игеннәр өчен мондый һава торышы бик әйбәт, әмма түбәләрне ремонтлау өчен уңайлы түгел. Без капиталь ремонтны 1 октябрьдән соңга калмыйча тәмамлый идек.Быел да шулай булырга тиеш. Сентябрьдә җылылык сезоны башлана», – ди мэр.

Ремонт «Лифт – Строй Компания», «Основа» СК, «ВолгоПромСтрой» компанияләре башкара. Финанслау суммасы – 2 млрд сумнан артык.