Чаллы мэры Наил Мәһдиев Ураза бәйрәме белән котлый

Сезне чын күңелдән изге Рамазан ае тәмамлануы һәм Ураза бәйрәме белән тәбрик итәм.

Ураза бәйрәме һәрберебезне якыннарыбызга игътибарлы булуда, мохтаҗларга ярдәм кулы сузуда берләштерә. Ураза дәвамында Чаллыда күпсанлы ифтарлар үткәрелде, авыр хәлдә калган кешеләргә ярдәм ителде. Изге гамәлләр кылган һәр кешегә рәхмәтемне белдерәм.

Ураза бәйрәме тормышка иминлек китерсен! Кылган догаларыбыз кабуллардан булсын, гаиләләребез, якыннарыбыз һәм туганнарыбызга иминлек, исәнлек-саулык телим, аларны кайгыртып яшик. Ураза гаете мөбарәк булсын!