Чаллы мэры Наил Мәһдиев хәрбиләргә техника тапшырды

Шәһәр мэры Наил Мәһдиев, Россия көне алдыннан, махсус хәрби операция зонасында хәрбиләр белән очрашты. 

Ул хезмәттәшләре белән бергә хәрбиләргә махсус техника, җиһазлар, тормыш һәм эш өчен кирәк-яраклар тапшырды. 

«Чәй өстәле артында тормыш, мөһим мәсьәләләр турында сөйләштек. 

Кыю егетләребезгә батырлыклары һәм фидакарь хезмәтләре өче рәхмәт әйттем. Барсының да Җиңү белән кайтуларын көтәбез», – дип хәбәр итте ул үзенең телеграмм каналында. 

Фотолар хакимиятнең телеграмм каналыннан алынды.