Чаллы мөселманнары Африка балаларына ифтар ашы уздырган

Таҗетдин исемле Чаллы кешесе Рамазан аенда Африка балаларын сөендергән. Ул 100 кешелек ифтар ашы уздырган һәм 100 Коръән китабы тараткан. Әлеге яңалык AL MUSAFIR FOND телеграм-каналында пәйда булды. Шулай ук Роберт һәм Регина исемле шәһәрдәшләрнең дә 200 кешелек ифтар уздыруы билгеле. 

Рамазан аенда кылган изге гамәлләрнең савабы бермә-бер арттырылып языла. Ураза бетүенә санаулы көннәр калды. Изгелек кылырга ашыгыгыз!