Чаллы проспектында - гадәттән тыш хәл

Шәһәрнең Яр Чаллы просектында бүген зур юл пробкасы хасил булды. Барысына да ЗЯБ бистәсендәге юл-транспорт һәлакәте сәбәпче. Биредә «Микрорайон Бумажников» тукталышыннан ерак түгел урында «Нива» автомобиле проспект аркылы чыгып баручы трамвай составына бәрелә. Нәтиҗәдә, ГЭСка таба илтүче юлның барлык полосаларында да хәрәкәт чикләнә. Бәхеткә, бу вакытта трамвайда пассажирлар булмый. Җиңел машина йөртүчесе хакында әлегә мәгълүмат юк. Урында автоинспекторлар эшли.