Чаллы Сабан туена Фирдүс Тямаев килә

Быелгы Сабан туе программасы билгеле. Бәйрәм, гадәттәгечә, Яр буе паркы мәйданында узачак. Кунакларны иртәнге сәгать 10:00га чакыралар. Аларны «Әкият», «Авылым» мәйданчыкларында каршы алачаклар. Төрле мастер-класслар, уеннар, аквагрим, фотозоналар булачак. Гер күтәрү, армспорт, капчыкта сикерү, суда балык тоту, баганага менү… – Сабан туенда ярышлар күп. Бүләкләр дә. 

Шул ук көнне сәгать 12:00дә Ипподромда ат узышлары булачак. Кичке якта концерт программасы. Быел бәйрәмгә ТР атказанган артисты Фирдүс Тямаев килә. Шулай ук Гөлдания Хәйруллина, Рөстәм Асадуллин, Лилия Букеева, Федор Кузнецов һәм шәһәрнең башка артистлары катнашачак.