Чаллы Сабан туенда популяр җырчы чыгыш ясый

Чаллыда милли бәйрәмебез Сабан туе 17 июньдә Яр буе паркы мәйданында була. 

Бу көнне шәһәрдәшләребез һәм Чаллы кунакларына театраль тамаша, мавыктыргыч милли көрәш, ярышлар тәкъдим ителә.

Сабан туй сәхнәсендә шәһәребез артистлары белән бергә республиканың күренекле җырчылары чыгыш ясый.

Кичке концертта Татарстанның атказанган артисты Илсөя Бәдретдинова да катнаша. Аның чыгышы 21-22 сәгатьләрдә була.