Чаллы стоматология клиникасын мошенниклыкта гаеплиләр

30дан артык кеше полициягә гариза язган. 

Зыян күрүчеләрнең берсе - Андрей Муллин. Аңа стоматология клиникасыннан шалтыратып, бушлай күренергә тәкъдим иткәннәр. Табиб теш куышлыгында инфекция дип,  өске һәм аскы тешләрен алдыртып бетергән. Яңа ап-ак тешләр куярга вәгъдә иткән. Андрей ышанып, 700 мең сум кредит алган.

Шәһәрдәш инде ярты ел тешсез. Сыек ризык кына ашый. Җитмәсә, башы, буыннары авырта башлаган.
Мошенниклар корбаны булганын ул аңламый да калган.

Хәзер клиника ябык. Төп офисы Ижауда. Хокук сакчылары тикшерү уздыра. Кемгә шикаять белдерергә белмиләр. Клиниканың төп исеме юк. Белдерүдә - бер исем, килешү төзегәндә - икенче, сайтта өченчесе язылган.