Чаллы студентын мошенниклар алдаган

Чаллы көллиятенең өченче курс студентының мессенджерына хәбәр килә. «Сез дәүләткә хыянәт итүдә гаепләнәсез», – дигән СМСны  үзен полиция хезмәткәре дип атаган билгесез кеше җибәрә.

18 яшьлек кыз куркып кала һәм билгесез кешенең барлык шартларын үти. Банкомат аша «куркынычсыз» исәп-хисап счетына 1,5 млн сум акча күчерә. 

Кыз үзенең алдануын белгәч хокук саклау органнарына мөрәҗәгать итә. 

РФ Җинаятьләр кодексының 159нчы «Мошенниклык» маддәсе буенча җинаять эше кузгатыла.