Чаллы СВО ветераны гаиләсе Рөстәм Миңнехановка кунакка барачак

Татарстан Республикасы Рәисе Рөстәм Миңнеханов тормыш иптәше белән бергә Республика көне алдыннан 2025 елның иң яхшы гаилә парларын кабул итәчәк. Чаллыдан махсус хәрби операция ветераны Тимур Нусратовның гаиләсе чакырулы. Бу хакта Башкарма комитет җитәкчесе урынбасары Винер Харисов хәбәр итте.

Республиканың иң яхшы гаиләләре хөрмәтенә тантаналы кабул итү чарасы, гадәттәгечә, Казан Кремлендә узачак.

Тимур Нусратовка 31 яшь, күпсанлы кайнар нокталарда хезмәт иткән. Берничә тапкыр яраланган, хәзер СВО ветераны. Батырлыклары өчен берничә дәүләт бүләге, шул исәптән Жуков медале алган. Бүген ул СВО ветераннар советы рәисе урынбасары вазифасын башкара.