Чаллы табибы мошенникларга 9 млн сум акчасын күчергән

Чаллыда яшәүче 39 яшьлек хатын-кыз табиб мошеннниклар ятьмәсенә эләгеп 9 млн сумнан артык акчасын югалтты. 

Мошенниклар гадәти схема буенча эш итәләр: 20 көн дәвамында аны эш бүлмәсе фонында үзен «ФСБ» хезмәткәре дип таныштырган кешеләр эзәрлекли. Ханымны «дәүләткә хыянәт итүдә» һәм «террорчылыкка ярдәм итү»дә гаеплиләр.

Төрмәгә утырасың килмәсә, тиз арада зур суммада акча күчерергә «киңәш итәләр».
 Куркуга калган ханым мошенникларның барлык күрсәтмәләрен үти. Аларга (үзенең, бурычка алып туганнарының һәм ике машина залогын кушып) 9 млн сумнан артык акча бирә. 

Җинаять эше кузгатыла. Әмма аның нәтиҗәсе булырмы?

 Хокук саклау органнары хезмәткәрләре яңа ел алдыннан кешеләрне сак булырга чакыра. Таныш булмаган телефоннарга җавап бирмәскә, трубканы алмаска киңәш итә.