Чаллы театры артистына - кызыл диплом

Аяз Гыйләҗев исемендәге Чаллы татар дәүләт драма театры артисты Зөлфия Галиуллина югары уку йортын кызыл дипломга тәмамлады.

– Диплом эшен «Хәл бу ки... Фатих Кәрим» спектакле буенча якладым. Минем белән бер курста Минзәлә театры актеры Рөстәм Зиннуров, Буа театрыннан – Ирек Гайнетдинов һәм Камал театры артисты Олег Фазылҗанов укыды, – диде безгә Зөлфия Галиуллина. 

Артистка куйган «Хәл бу ки... Фатих Кәрим» спектакле  уңышлы чыкты. Аны карап тамашачылар тетрәнде, Фатих Кәрим язмышын күз алдыннан үткәрде.
Театрыбызның талантлы актерына киләчәктә дә уңышлар юлдаш булсын.  

Фотолар Зөлфия Галиуллинадан алынды