Чаллы халкы 900 млн сум акчасын мошенникларга күчергән

Чаллы халкы мошенникларга ышанып, 900 млн сумга якын акчасын югалткан. Бу хакта шәһәр Советы утырышында Эчке эшләр идарәсе башлыгы Айрат Ханбиков хәбәр итте. Бер ел эчендә интернет җинаятьләр саны 6 тапкырга арткан. 

«Моның белән нидер эшләргә кирәк. Банк җәмәгатьчелеге белән җыелып, проблеманы хәл итү юлларын эзләү нияте бар. Ни өчен кеше аңлы рәвештә кредит алырга теләгәндә, аңа бик күп кәгазьләр җыярга туры килә, ә монда бер-ике минутта акча жуликлар счётына күчә? Пенсионерларның интегеп эшләп җыйган акчаларын югалтуларына каравы бик авыр», – ди мэр Наил Мәһдиев.