Чаллы халкы яңа автобуслар маршрутыннан зарлана

Чаллы халкы яңа автобус маршрутларыннан канәгать түгел. Социаль челтәрләрдә күпләр зарланып язып чыкты. Хәтта ТР Рәисенә үк хатлар юлладылар. Бүген шәһәр хакимияте җитәкчелеге матбугат конференциясе үткәрде. Сорауларның күбесе элеккеге 26нчы маршрут буенча. Аны кире кайтаруны сорыйлар. Проблема хәл ителәчәк, дип белдерде башкарма комитет җитәкчесе Фәрид Сәлахов. 4нче һәм 6нчы маршрутлар хәзер 26нчы автобус маршруты буенча (Тынычлык проспектыннан Чулман проспекты, Ш.Усманов урамы аша 50 комплекска) хәрәкәт итәчәк.