Чаллы халкын шимбә көнне Яр буе паркына чакыралар

Чаллыда 28 сентябрьдә “Халыклар кроссы – 2024” ярышлары үтәчәк. Чарага иртәнге 9да Яр буе паркы мәйданында старт биреләчәк. 

Анда, сәламәтлеге ягыннан чикләүләре булмаган, табиб рөхсәтен алган һәркем катнаша ала. Моның өчен урында иртәнге сигездән унынчы яртыга кадәр теркәлү үтәргә яки ufis@list.ru электрон адресына алдан ук гариза тутырып җибәрергә кирәк. 

Йөгерешчеләрне 400, 1000 һәм 4000 метрлы дитсанцияләр көтә. Җиңүчеләргә һәм призерларга грамоталар, кубок һәм медальләр тапшырылачак.