Чаллы җырчысы Нияз Хәмәтшин Яңа елда гаиләсе белән пилмән ясый

Чаллы җырчысы Нияз Хәмәтшин Яңа елны, гадәттәгечә, гаиләсе белән үткәргән. "Иртән бөтен гаиләбез белән пилмән кыстык. Мин кечкенә чагында әти-әниләр белән дә шулай итә идек. Соңыннан бөтенебез бергә шуны тәмләп ашадык.  Аннан урамга чыгып, үзебезнең Мәләкәс аръягында концерт куйдым. Анда зур чыршы оештырдылар, халык күп җыелды.  Без Башкортстаннан, шуңа күрә башта үзебезчә, сәгать 10да табын кордык, аннан Татарстан вакыты белән каршы алдык. Кичкә табынга төрле-төрле салатлар, тәм-томнар әзерләдек" дип сөйләде җырчы.