Чаллыда 11 сыйныфны тәмамлаучылар кайсы ВУЗларга укырга керергә ниятли?

Быел 11 сыйныфны тәмамлаучы укучылар нинди ВУЗларга керергә тели? Нинди шәһәрләрне сайлый? Чаллы мәгариф идарәсе укучылар арасында шундый сораулар буенча сораштыру уздырган. Аның нәтиҗәләрен матбугат конференциясендә җиткерделәр. Балаларның 30% гына Чаллы югары уку йортларын сайлаган. 40% укучы Татарстан ВУЗларын сайлый. Калган 30% - федераль уку йортларын.

"Без ел саен мониторинг алып барабыз һәм быелгы фаразлар узган елгысы белән туры килә, - диде мәгариф идарәсе башлыгы Рөстәм Хуҗин.