Чаллыда массакүләм шуу өчен 4 шугалак булачак

Быел Чаллыда тимераякта массакүләм шуу өчен 4 шугалак әзерләнә.

Бүгенге көндә Ипподромда, «Азатлык» мәйданында, Мәләкәс аръягында һәм «Медео»да бозны туңдыра башладылар. Алар чыршыларны тантаналы ачу көненә әзер булыр дип көтелә.

Моннан тыш, «Яшүсмер» яшүсмерләр клубы карамагындагы – 14, мәктәпләр янындагы 15 шугалакта да шуып булачак. 

Башкарма комитетның физкультура һәм спорт идарәсе башлыгы Роман Насретдинов әйтүенчә, тимераякларны прокатка алу бәясе үзгәрми. Зурлар бер сәгать прокат өчен 120-150 сум, балалар 90-100 сум акча түли. Шугалакларда шуу бушлай. 

Яр буе паркы һәм ГЭС бистәсендәге ял паркында чаңгыда шуарга мөмкин. Трасслар яктыртылган. 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).