Чаллыда 6,5 мең бала 1 сыйныфка укырга керә

Чаллыда быел 6,5 мең бала беренче сыйныфка укырга керә. Парта артына, гомумән, 75 меңгә якын укучы утырачак. Бу хакта эшлекле дүшәмбе киңәшмәсендә хәбәр иттеләр.

Бу атнада мәктәпләрне яңа уку елына кабул итү башланды. 7 мәктәптә азык-төлек блоклары ремонтлана. Анда эшләтеп җибәрү-көйләү эшләре тәмамлап киләләр.  

«Мәктәпләрдә барысын да тикшереп чыгыгыз. Тәлинкәләргә дә игътибар итегез. Прокуратура кимчелекләр табырлык булмасын», – диде мэр.