Чаллыда абруйлы табиб үлгән

Чаллыда 5нче поликлиниканың көндезге стационар бүлеге мөдире Галина Моисеенко вафат. Ул сәламәтлек саклау өлкәсендә 43 елдан артык эшләгән. 

 «Галина Николаевна  үз эшен җиренә җиткереп башкара торган, олы йөрәкле  табиб иде. Авырулар һәм хезмәттәшләре арасында хөрмәт казанды. ТР Сәламтәлек саклау министрлыгының һәм башкарма комитетның сәламәтлек саклау идарәсе Мактау грамоталары, рәхмәт хатлары белән бүләкләнде. Аның үлеме –  Чаллының сәламәтлек саклау өлкәсе өчен зур югалту. Якыннарының, гаиләсенең тирән кайгысын уртаклашыбыз. Галина Николаевнаның урыны җәннәттә булсын», – дип хәбәр иттеләр  5нче шифаханә хезмәткәрләре.