Чаллыда җәяүлене бер-бер артлы ике машина бәрдергән

Аянычлы авария 6 сентябрьдә кичке тугызынчы яртыда Чаллы аша үтүче М-7 трассасында була.

Форд автомобилен йөртүче 1989 елгы ир-ат югары тизлектә трасса буйлап хәрәкәт итә һәм юлны аркылы чыгып килүче җәяүлене бәрдерә. Шунысы мәгълүм, 1965 елгы әлеге җәяүле юлны тиешсез урнында чыккан була. «Бәрелү нәтиҗәсендә, Форд машинасы аны юлның икенче ягына атып бәрә. Анда җәяүлене икенче машина - Шеврале Круз бердерә. Нәтиҗәдә, җәяүленең гомере ашыгыч ярдәм машинасы  килгәнче урында өзелде», – дип хәбәр итә Чаллы ГАИнең пропаганда бүлеге.