Чаллыда – «Ак калфаклар» күргәзмәсе

Гөлсабира Хәкимова исемендәге картиналар галересында үзенчәлекле күргәзмә ачылды.  «Ак калфаклар» дип исемләнгән күргәзмәгә 14тән артык хатын-кыз рәссамның 40тан артык хезмәте куелган.

Экспонатлар арасында  галерея фондында сакланган иң яхшы хезмәтләр урын алган. 

Рәссамнар Хәния Гәрәева, Рауза Иванова, Рузия Вәлиулина, Венера Сәхәбетдинова һәм башка рәссамнарның гаилә елына багышланган картиналары, натюрмортлары, гамәли-кулланма сәнгать әйберләренең – барысы да җан җылысы белән сугарылган. Һәр автор үзенең хезмәтендә гаилә кыйммәтләрен, гаиләдәге мөнсәбәтләрне күрсәтергә тырышкан.