Чаллыда җәмәгать транспортында бушлай йөртәләр

Шәһәр мэры Наил Мәһдиев 9 май Җиңү бәйрәменә халыкка үзенчәлекле бүләк әзерләгән.

Аның карары буенча 9 майда Чаллыда җәмәгать транспортында (трамвайда, автобусларда һәм «Газель»ләрдә) бушлай йөреп булачак. 

Бәйрәм чаралары иртәнге 9 да герой шагыйрь Муса Җәлил һәйкәленә чәчәк салудан башланып китә. 

Автозавод, Үзәк, Комсомол  районнарында төрле чаралар оештырыла. 
Яр буе паркы мәйданында «Җиңү өчен»  дип исемләнгән театраль тамаша 17 сәгатьтә башлана.