Чаллыда балалар катнашында 93 юл һәлакәте булды

Чаллы юлларында балалар катнашында 93 юл-транспорт һәлакәте булды. 97 бала төрле тән җәрәхәтләре алды, бер сабыйның гомере өзелде. Чаллы Дәүләт Автоинспекциясе шундый мәгълүмат җиткерде. Инспекторлар әйтүенчә, аварияләрнең 23 очрагында балалар үзләре гаепле. Юлга көтмәгәндә туктаган машиналар арасыннан йөгереп чыгалар. Хәрәкәт итүче шофёр кеше туктарга җитешми. Андый 14 авария булган. Инспекторлар ата-аналарга балаларына карата игътибарлы булырга чакыра, юл кагыйдәләрен кат-кат аңлатырга сорый.