Чаллыда баланы бәрдерделәр

Чаллыда, Мәләкс арьягында 57 яшьлек хатын-кыз «зебра»да 9 яшьлек баланы бәрдерә. Бала җәяүле юлыннан велосипедта чыга торган булган.
ГАИ мәгълүматлары буенча, баланы ашыгыч ярдәм хезмәте табиблар караганнар һәм җибәргәннәр. Ул зыяна күрмәгән.
Шәһәрнең ГАИ инспекциясе язгы каникул чорында машина йөртүчеләрне юлларда аеруча игътибарлы булырга чакыра. 
Балаларга юл кагыйдәләрен үтәү, хәтта «зебра»дан чыкканда да велосипедтан төшү кирәклеген искәртә. 
Татарстанда «Куркынычсыз һәм сыйфатлы юллар» илкүләм проекты гамәлгә ашырыла.