Чаллыда балыкчыга ярдәм иттеләр

Балыкчы яр буеннан 150 метр ераклыкта була. Үзен начар хис итә башлый. Коткаручыларны чакырта. Алар тиз арада боз өстеннән йөрүче транспорт белән килеп җитә. Балыкчыны хастаханәгә озатырга тәкъдим итәләр. Әмма ул баш тарта.

Балыкчылар хәзер аеруча игътибар үзәгендә. Быел яз иртә килде. Боз өстендә урыны-урыны белән ярыклар бар. Өскә су чыккан. Әмма балыкчыларны бу куркытмый. Шуңа күрә ГИМС инспекторлары көн саен аңлату эшләре алып бара. Чаллыдан тыш, алар 8 районга хезмәт күрсәтә. Бу хакта тулырак моннан укый аласыз.