Чаллыда бер ир-ат мошенникка 4 млн акча күчергән

Чаллыда яшәүче 36 яшьлек слесарь мошенниклар корбаны булды.

Аңа үзен хокук саклау органнары хезмәткәре дип билгесез кеше шалтыратып: "Мошенниклар сезнең исемгә кредит алмакчы булалар", - ди. Һәм акчаларын "Куркынычсыз" счетка күчерергә кирәклеген әйтә.

Ир-ат куркып кала һәм теге кеше әйткән барлык биремнәрне үти. Башта үзенең бер млн сум акчасын мошенникка күчерә.  Икенче тапкыр: "Займ рәсмиләштерергә кирәк", - дип шалтыраткач, кодны әйтеп, тагын 3 млн акча җибәрә. Шулай итеп ир-ат 4 млн акчасын югалта.

Ялган "хокук саклау хезмәткәре" телефонын алмый башлагач кына ир-ат үзенең алдануын аңлаган һәм полициягә мөрәҗәгать иткән.

РФ Җинаятьләр кодексының "Мошенниклык" маддәсе буенча җинаять эше кузатылган.

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).