Чаллыда чит ил боксчылары сугышачак

29нчы сентябрь көнне Чаллының Боз сараенда аеруча "кызу" булачак. Биредә "Камада бокс" ("Бокс на Каме") турниры узачак. Рингта Америка боксёрлары Кевин Джонсон һәм Джейсон Гаверн очрашачак. Бу хакта Бизнес Online матбугаты хәбәр итә. 

Джонсон - 60 көрәштә катнашып, 36 җиңү яулаган боксчы. Гаверн 52 турнирның 27сендә җиңгән. 

Турнир кысаларында Россия һәм Таҗикстан җыелма команда спортчылары да сугышачак.