Чаллыда янгын чыккан йорттан 10 кешене чыгардылар

Кичә Чаллының 10 катлы 23/10 Д йортының коридорында янгын чыкты. Янгын бишенче һәм алтынчы катлар арасындагы 12 кв метр мәйдандагы җиһазларны һәм әйберләрне чолгап алды.
Коткаручылар төтенле зонадан маска киеп 10 кешене чыгардылар. 1978 елгы хатын-кызның кулы пеште. Ул хастаханәдә ятудан баш тартты.
Якынча мәгълүматлар буенча янгын электр җиһазларын дөрес монтажламаудан һәм дөрес файдаланмаудан килеп чыккан.
Фото РФ Гадәттән тыш хәлләр министрлыгының Татарстан идарәсеннән алынды. 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).