Чаллыда яшүче 2 млн сумнан артык акчасын мошенникларга биргән
Аны алдаучылар үзләрен салым инспекциясе хезмәткәрләре дип таныштырган.
Чаллыда яшәүче 28 яшьлек ир-атка 30 июньнән 20 июльгә кадәр ялган салым инспекциясе хезмәткәрләре шалтырата. Аңа акчасын куркынычсыз урынга күчерергә киңәш итәләр. Ир-ат аларга ышанып криптовалюта алмаштыру пунктын файдаланырга була. 2 535 000 сум акчасын үзенең электрон акча янчыгына җибәрә. Бу сумманың бер млн 185 меңен кредитка, бер млн 90 меңен заемга алган була. Калганы үз акчасы.
Берникадәр вакыт узгач ир-атның электрон кошелогыннан акчалары юкка чыга.
Ул полициягә мөрәҗәгать итә. РФ Җинаятьләр кодексының «Мошенниклык» маддәсе буенча җинаять эше кузгатыла.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев