Чаллыда ике сабыйның күзләре пеште

Чаллыда берьюлы 2 баланың күзләре химикаттан зыян күрде. Аларның йөзләренә “Азелит” плитә чистарткычы чәчрәгән. Сабыйларга нибары 1 яшь. "Берсен хәтта хастаханәгә яткырып дәваларга туры килде", - ди табиблар. 

“Көнкүреш химиясыннан зыян күрүче пациентларны еш кабул итәргә туры килә. Сабыйларның битләре, күз кабаклары пешә. Чистарткычлар балалардан яшерелмәгән. Шуңа күрә шулай килеп чыга. Гадәттә мондый сыеклыкларның составында кислота була. Балалар кызык итеп пульверизаторны үзләренә каратып сиптерә”, - ди Кама балалар медицина үзәге офтальмологы Нәргиз Гыйльфанова.