Чаллыда иң күп авария кайсы урыннарда булган?

Чаллының баш дәүләт автоинспекторы Радий Кадиков Чаллыда юл-транспорт һәлакәте күп була торган урыннарны атады.

Шәһәрдә алар – 9. Өчесе М-7 Волга федераль трассасында. Бу урыннарда узган ел 37 юл-транспот һәлакәте булды. Анда 2 кеше һәлак булды, 50 кеше төрле дәрәҗәдәге җәрәхәтләр алды. 

Автоинспекторлар машина йөртүчеләрне һәм җәяүлеләрне түбәндәге урыннарда аеруча сак булырга чакыра.

Муса Җәлил проспекты – Батенчук урамы;
Яшьлек проспекты – Җиңүнең 40 еллыгы урамы;
Чулман проспекты – Хәсән Туфан проспекты;
Татарстан урамы – Ш. Усманов урамы;
Машиностроительная урамы 29; 
Минзәлә тракты;
М-7 федераль трассасының Сарман тракты каршындагы борылышы, 1047 нче км-ы һәм БСИ янындагы борылышы. 
 

Тагы да кызыклырак яңалыклар, фото һәм видеолар «Шәһри Чаллы»ның MAX каналында (язылыгыз).