Чаллыда җинаять кылуда шикләнелүчене эзлиләр

21 майда Чаллыда 7/15 йорты янында җинаять кылына. Аны кылуда шикләнелүче ир-ат видеокамера объективына эләгә. Кыяфәте буенча ул азиат кешесенә охшаган. Аңа 40-45 яшьләр тирәсе, урта гәүдәле, буе 175 см тирәсе, сөйләмендә акценты бар. 

Ир-ат бу көнне кара төстәге спорт костюмыннан була. Олимпийкасында «Jolonp» язуы бар. Башына Россия символикасы белән ачык соры төстәге бейсболка кигән була.

Әлеге ир-атны таныган һәм кайда булуын белүче шәһәрдәшләрдән 917-917-30-20, 8(8552)34-70-73 номерлары буенча шалтыратуны, яисә  яшәү урыны буенча Эчке эшләр органнарына мөрәҗәгать итүләрен сорыйлар.