Чаллыда ир-ат этен үтереп урамга чыгарып ташлады

ГЭС бистәсенең 9/24 йортында яшәүчеләр күршеләреннән курка. 22 апрель көнне ул этен урамда йөртеп кереп китә һәм сәгать 20:00дә кире урамга канган баткан килеш алып чыга. Күршеләре әйтүенчә, ир-ат аны пычак кадап үтерә. Аның куллары канга баткан була. Этнең дә тәнендә яра эзләре ачыклана. Йортта яшәүчеләр хокук сакчыларыннан аңа карата берни хәл күрүләрен сорый. Бүген эт, иртәгә юлында очраган кеше корбан булырга мөмкин, ди. 

Әлеге вакыйга буенча хокук сакчылары тикшерү үткәрәчәк, дип белдерде ЭЭИ матбугат хезмәте.