Чаллыда җитәкче иртүк автобусларны тикшерде

Бүген Башкарма комитет җитәкчесе Фәрид Сәлахов иртән автобус базасында җәмәгать транспортының иртәнге маршрутларга әзерлеген тикшерде. Әлеге мәйданнан һәр көнне 109 автобус маршрутларга чыга. 

Фәрид Сәлахов автобус йөртүчеләрне мәҗбүри медицина тикшерүенә игътибарлы булырга чакырды. Әлеге процедура автомат рәвештә һәр рейска чыгар алдыннан башкарыла. Ул берничә минут эчендә шоферның сәламәтлеген бәяләргә һәм пассажирларның куркынычсызлыгын тәэмин итүне гарантияли. 

Башкарма комитет җитәкчесе предприятиенең ремонт зонасын да карады.  Тәүлек буена эшләүче ремонт зонасын ремонтлау җиһазлар һәм запас частьләр алу өчен шәһәр бюджетыннан 31,5 млн сум акча бүлеп бирелде. 

Фәрид Сәлахов транспортның линиягә чыгаруның логистик схемасын да аңлатты. «Автобуслар өч ноктадан маршрутлардан китә. Бу – пассажирлар өчен уңайлы,  предприятие өчен нәтиҗәле ысул», - диде ул. 

Фото: хакимиятнең матбугат хезмәтеннән алынды.