Чаллыда югалган кызны ирексезләп тотарга мөмкиннәр

Чаллыда 16 яшьлек кыз югалды. Карпова Ева Игоревна 25нче июнь көнне өеннән чыгып киткән. Әлегәчә аның кайда икәнлеге билгеле түгел. Ул зәңгәр джинс чалбар, кара күн куртка кигән булган. Волонтерлар аны Тукай районының Кече Шилнә, Олы Шилнә авылларында, "Восход" бакчачылык ширкатендә эзләде.

Россиянең Татарстан буенча балаларга ярдәм итү милли үзәгенең «Орел. Татарстан» доброволецлар эзләү-коткару отряды җитәкчесе Альбина Сәгыйрова сүзләренчә, Еваны 23 яшьлек  Даниил кайдадыр ирексезләп тотуы ихтимал.