Чаллыда юлны тиешсез урыннан чыккан баланың гомере өзелде

17 февраль көнне 18:00 сәгатьтә Чаллының Казан проспектында (11 йорт каршында) юл-транспорт һәлакәте теркәлә. Бу озын юл М7 федераль трассасына карый. Беренчел мәгълүматлар буенча, 1978 елгы машина йөртүче тизлек режимын сакламый һәм юлны тиешсез урыннан чыгучы 10 яшьлек баланы бәрдерә. Вакыйга урынына тиз арада ашыгыч медицина ярдәме хезмәте килә һәм баланы клиник үлем хәлендә хастаханәгә алып китә. Ни кызганыч, 20 февральдә 2012 елгы пациент реанимация бүлегендә җан бирә.